Manila - Nagulat ang maraming netizens matapos makumpirma na hiwalay na sina social media personality at former Miss Q & A contestant na si Lars Pacheco at ang kanyang longtime boyfriend na si Clyde.

Umabot ng pitong taon ang kanilang relasyon bago sila nagpasya na maghiwalay. Bagama’t hindi na inilabas ang kumpletong detalye sa dahilan ng breakup, kapansin-pansin ang mga komento at reaksyon ng kanilang mga tagasuporta na nalungkot sa balita.

Si Lars ay kilala bilang isa sa mga influencer at LGBTQ+ advocates online, habang si Clyde naman ay matagal nang nakilala ng publiko bilang supportive partner niya sa mga nakaraang taon.

Marami ang bumati at nagpaabot ng mensahe ng suporta kay Lars matapos kumalat ang balita. Ilan sa kanilang fans ang nagsabing umaasa silang makakabangon agad ang dalawa at masusumpungan muli ang kanilang kaligayahan kahit magkahiwalay na.

Hanggang ngayon, nananatiling tikom ang dalawa sa mas malalim na detalye tungkol sa kanilang paghihiwalay.

Larawan mula kay Lars Pacheco