MANILA — Isa sa pinakakinikiligang tambalan sa showbiz, ang LizQuen nina Liza Soberano at Enrique Gil, ay opisyal nang nagwakas. Sa isang emosyonal na pag-amin ni Liza sa podcast na Can I Come In? noong Agosto 14, kinumpirma niyang “Quen and I broke up… we’ve been broken up for almost three years now.”

Simula ng Tambalan

• Noong 2013, unang nagkasama sina Liza at Enrique sa pelikulang She’s The One bilang second leads. Dito nagsimula ang “organic” nilang koneksyon, ayon kay Liza: “I think that’s when, in hindsight, I fell in love with him.”

• Taong 2014, sumikat ang tambalan sa teleseryeng Forevermore, kung saan gumanap sila bilang Agnes at Xander. Dito rin nagsimula ang kanilang real-life romance.

• Mula 2015 hanggang 2019, nagbida sila sa mga pelikulang Just The Way You Are, Everyday I Love You, My Ex and Whys, at Alone/Together. Lahat ay tumabo sa takilya at nagpatibay sa kanilang love team.

Mga Proyekto

• 2014: Forevermore – Unang lead teleserye

• 2015: Just The Way You Are – Adapted mula sa Wattpad hit

• 2015: Everyday I Love You – Kasama si Gerald Anderson

• 2016: Dolce Amore – Teleseryeng sinubaybayan ng fans

• 2017: My Ex and Whys – Pinakamalaking kita sa pelikula ng LizQuen

• 2018: Bagani – Fantasy drama

• 2019: Alone/Together – Valentine offering

• 2020: Make It With You – Huling teleserye bago ang pandemya

Kontrobersiya at Katahimikan

Matagal nang usap-usapan ang hiwalayan ng dalawa, lalo na noong 2023 nang kumalat ang balitang hindi na sila magkasama mula pa Oktubre 2022. Ngunit nanatiling tahimik ang dalawa. Ayon kay Liza, “Originally, the reason why we haven’t said anything about it is because Enrique or Quen asked me not to say anything about it first.”

Dagdag pa niya, “I was so afraid that if people found out we weren’t together anymore, my career would go bad, or people just wouldn’t love me anymore.” Sa kabila ng takot, pinili niyang magsalita na para sa kanyang sariling paglaya.

Paglipad sa Amerika

Matapos ang kanilang huling proyekto, lumipad si Liza sa U.S. upang subukan ang international career. Naging bahagi siya ng pelikulang Lisa Frankenstein, music video ni Bright, at digital series ni Eric Nam. Lumabas din siya sa Coachella, Gold House Gala, at Elton John Oscars party.

Walang Forever

Sa kanyang pag-amin, sinabi ni Liza, “I genuinely expected us to get married… but then that didn’t happen.” Tinawag niya ang kanilang paghihiwalay na “a beautiful breakup… still so full of love.” Bagamat masakit, pinili niyang hanapin ang sarili at lumago bilang indibidwal.

Bagong Pag-ibig?

Bagamat walang kumpirmasyon mula kay Liza, muling umingay ang balita tungkol sa posibleng relasyon niya kay Jeffrey Oh, dating business partner ni James Reid. Nakita silang magkasama sa Singapore, na lalong nagpasiklab sa mga dating tsismis tungkol sa kanilang ugnayan. Sa ngayon, nananatiling pribado si Liza sa usaping pag-ibig, ngunit hindi maikakaila ang interes ng publiko sa kanyang personal na buhay.

Larawan mula sa The Lizquen Universe